Ons roem ons op uitnemendheid sedert 1880.
Hierdie is die beste skool suid van die Noordpool, die skool by die see.
Laerskool Hendrik Louw is ‘n multi-kulturele skool waar kinders groot word en opgevoed word binne die ware weerspieëling van die Suid-Afrikaanse samelewing. Met dit in gedagte, speel diversiteit en lewensvaardighede ‘n beduidende rol in die holistiese ontwikkeling van elke unieke individu. Ons fokus op uitnemendheid op alle vlakke en daarom vestig ons, ons waardes van betroubaarheid, respek, verantwoordelikheid, regverdigheid, omgee en goeie burgerskap in die alledaagse lewe van elke leerder.
Ons is trots daarop dat 1200 leerders en hul ouers Laerskool Hendrik Louw gekies het om hul opvoedkundige reis hier by ons aan te pak.
Laerskool Hendrik Louw is ‘n beduidende leier in die onderwys. Die uitstekende akademiese program wat deur uiters bekwame en toegewyde onderwysers en onderwysleiers bestuur word, speel ‘n groot rol daarin. Hierdie skool was, is en sal altyd aan die voorpunt van verandering en ontwikkeling in die moderne era van die onderwys wees.
Ons leerders is gelukkig, veilig en opgewonde om elke dag nuwe leergeleenthede aan te ervaar. Hulle word deur personeellede verwelkom wat in samewerking en empatiese optrede glo en wat met passie en toewyding onderrig bied.
Dit kan ervaar word in ons visie wat lui: “Altyd ons beste vir elke kind.”
Laerskool Hendrik Louw dien die gemeenskap van Strand met trots en hier skep en handhaaf ons die intellektuele, persoonlike, emosionele en geestelike welstand van elke leerder en onderwyser.
Ons doen buitengewone goed, buitengewoon goed.
